Som koreograf og kunstnerisk leiar for kompaniet DV8 har Lloyd Newson sin kunstnarskap blitt ein av dei mest kontroversielle i dansekunsten. I si undersøking av kva dans kan vere har Newson sidan midten av 1980-åra sprengt grenser gjennom å spørje: KVIFOR?
Denne spørsmålsstillinga har pirka i politikk, samfunnsstrukturar, seksualitet og forsteina danseforståing. Newson hater gamle sanningar og seier “The things people say we cannot look at and talk about, I say ‘why not?" Ambisjonen er ein krystallklar fysikalitet som overfører ein tydeleg bodskap.
Forestillinga Enter Achiles, som opprinneleg vart skapt i 1995, skulle bli vist på hovudscena ved Dansens Hus 27. og 28. mars. Stykket handlar om maskulinitet og kva maskulinitet skal bety.
Jonas Øren vil i sitt foredrag gå i djubda av eit kompani og ein kunstnarskap som har klart å treffe spikeren på den politiske kroppen i over tretti år. Delar av foredraget baserer seg på fysisk overlevering.
Danser, koreograf og redaktør i mote, kultur og livsstils-magasinet PS:Magasin Jonas Pedersen Øren som skal ta publikum gjennom Lloyd Newson sin karakteristiske koreografiske stil og kjennetegn. Varer ca 35 minutter.